Կալիֆորնիա նահանգի Սենատի օրենքների հանձնաժողովը կքննի Ադրին Նազարյանի ներկայացրած AB 1915 բանաձևը, որը նախատեսում է 7-12-րդ դասարանների «Հասարակագիտություն» առարկայի ծրագրում ներառել Հայոց ցեղասպանության պատմությունը: Մայիսի 28-ին Կալիֆորնիայի նահանգային ժողովը 77 կողմ և 0 դեմ ձայների հարաբերակցությամբ միաձայն կողմ է քվերակել բանաձևին' այն հանձնելով Սենատի օրենքների հանձնաժողովի քննարկմանը: «Այս համոզիչ հաղթանակը ևս մեկ վկայությունն է, թե ինչի է հնարավոր հասնել համայնքային գործունեությամբ: Հայ դատի ԱՄՆ Արևելյան շրջանի հանձնախումբը ողջունում է Կալիֆորնիայի նահանգային ժողովին' այս կարևոր նշանակություն ունեցող բանաձևի նկատմամբ ցուցաբերած իրենց ուժեղ դիրքորոշման համար, և նահանգային ժողովի անդամներ Նազարյանին և Աչաջյանին' իրենց առաջնորդության համար», - նշել է Հայ դատի ԱՄՆ արևելյան շրջանի հանձնախմբի գործադիր տնօրեն Էլեն Աստարյանը:
