Ինչպես հայտնում է ria.ru-ն, Ռուսաստանն Ուկրաինայի համար գազի կանխավճարային համակարգի ներմուծումը տեղափոխել է մինչև հունիսի 16-ը: Այս մասին հայտնել է «Գազպրոմի» ղեկավար Ալեքսեյ Միլլերը:
«ՌԴ-ն մեկ քայլ առաջ է կատարել' կառուցողական բանակցությունները շարունակելու հարցում: Կանխավճարային ռեժիմը չի սահմանվի հունիսի 14-ին, այլ դրա ներմուծումը տեղափոխվել է հաջորդ երկուշաբթի' հունիսի 16-ին»,- ասել է Միլլերը Եվրահանձնաժողովի և ռուսական պատվիրակության հետ երկկողմ բանակցությունների արդյունքներից հետո:
Միլլերը նաև ընդգծել է, որ համապատասխան կարգադրություններն արդեն փոխանցվել են «Գազպրոմին»:
