ՀՀ ԱԻՆ-ում սեպտեմբերի 24-ին' ժամը 10.25-ին, տեղեկություն է ստացվել, որ Երևանի Նիկոլ Աղբալյանի անվան թիվ 19 հիմնական դպրոցի լաբորատորիայում առկա են չշահագործվող քիմիական նյութեր, որոնց տեղափոխման համար անհրաժեշտ է փրկարարների օգնությունը:
Ինչպես տեղեկացրին ՀՀ արտակարգ իրավիճակների նախարարությունից, դեպքի վայր է մեկնել քիմիկ-հետախույզ և ՃԿԿ օպերատիվ խումբը: Դպրոցի քիմիայի դասասենյակի պահեստից չշահագործվող քիմիական նյութերը տեղափոխվել են ՀՀ ԳԱԱ օրգանական և դեղագործական քիմիայի գիտատեխնոլոգիական կենտրոնի Լ.Մնջոյանի անվան նուրբ օրգանական քիմիայի ինստիտուտ:
