Ոստիկանությունում հոկտեմբերի 13-ին հաղորդում էր ստացվել, որ «Նիսսան» մակնիշի ավտոմեքենան Սևան-Մարտունի-Գետափ ճանապարհի 62-րդ կմ-ին բախվել է էլեկտրասյանը, ինչի հետևանքով վարորդը և երկու ուղևորները մարմնական վնասվածքներով տեղափոխվել էին Մարտունու բժշկական կենտրոն:
Հոկտեմբերի 17-ին, ժամը 23:00-ին, «Էրեբունի» բժշկական կենտրոնից ոստիկանության Էրեբունում բաժնում հաղորդում է ստացվել, որ նշված պատահարի պահին մեքենայում գտնվող ուղևորներից մեկը՝ 1973 թ. ծնված Մարիամ Թորոսյանը, վերակենդանացման բաժանմունքում մահացել է: Նշանակվել է դատաբժշկական փորձաքննություն:
