Գյումրեցի երիտասարդ նկարչուհի Գոհար Պետրոսյանը Հայաստանը կներկայացնի փետրվարի 24-ից մարտի 6-ը Վիլնյուսում կայանալիք բարեգործական նկարչական ցուցահանդեսին: Նկարչուհին հրավերն ստացել է մեկ ամիս առաջ:
Լսողական խնդիրներ ունեցող երիտասարդ արվեստագետն իր նկարները տեղադրել էր սոցիալական ցանցերից մեկում, որտեղից էլ գարնանը նվիրված ամենամյա միջոցառման կազմակերպիչները ծանոթացել էին վերջինիս ստեղծագործությունների հետ:
Մարտի 4-ին նշվող Սուրբ Կազիմիրի տոնին նվիրված ցուցահանդեսի մասնակիցները տեղում կնկարեն 2 նկար և կնվիրեն բարեգործական հիմնադրամին: Բացի այդ, յուրաքանչյուր նկարիչ հնարավորություն կունենա կտավի միջոցով ներկայացնելու իր երկիրը:
Գեղարվեստի ինստիտուտի Գյումրու մասնաճյուղի շրջանավարտն արդեն հասցրել է մասնակցել տարբեր ցուցահանդեսների ինչպես Հայաստանում, այնպես էլ հանրապետությունից դուրս՝ Գերմանիայում և Լեհաստանում: Ունեցել է նաև անհատական ցուցահանդեսներ: Գոհարը չունի նկարչության մեջ իր սիրած ուղղությունը՝ նկարում է թե՜ դիմանկար, թե՜ բնապատկեր՝ կապված պահի ներշնչանքի հետ:
Նկարչուհու Վիլնյուս մեկելու ծախսերն իր վրա է վերցրել Գյումրու քաղաքապետարանը:
