Չորեքշաբթի երեկոյան երկու պայթյուն է որոտացել Չիլիի մայրաքաղաք Սանտյագոյի մետրոկայաններից մեկի բանկոմատի մոտակայքում: Այս մասին հայտնել է CNN հեռուստաընկերությունը:

Ըստ նախնական տվյալների՝ այդ կերպ անհայտ անձը փորձել է բացել բանկոմատը: Նշվում է, որ պայթյունի հետևանքով ոչ ոք չի տուժել:

Մետրոպոլիտենի ներկայացուցիչը վստահեցրել է, որ իրավիճակը մետրոյում հանգիստ է, միջադեպը չի ազդել գնացքների շարժման վրա: