Ֆրանսիայի իրավապահ մարմիններն ավելի լավ հանդերձված կլինեն զենքով եւ պաշտպանության միջոցներով, ինչպես նաեւ լրացուցիչ աշխատանքի կվարձեն 2600 աշխատակիցների՝ ահաբեկչական սպառնալիքի դեմ պայքարելու համար: Այդ մասին, ինչպես տեղեկացնում Է «Արմենպրես»-ը՝ հղում անելով BBC-ին, հայտարարել Է երկրի վարչապետ Մանյուել Վալսը:
Վարչապետը խոստացել Է ահաբեկչության դեմ պաքարելու համար 425 միլիոն եվրո տրամադրել երեք տարվա ընթացքում՝ որպես Փարիզում մի շարք ահաբեկչական հարձակումների պատասխան, որոնց հետեւանքով 17 մարդ զոհվեց:
Վալսը նաեւ հայտնել Է, որ կընդլայնվեն հետախուզական ծառայությունների լիազորությունները, այդ թվում՝ պարզեցված Է ահաբեկչական գործողությունների նախապատրաստման մեջ կասկածվողների հեռախոսազրույցների գաղտնալսման թույլտվությունների ստացման ընթացակարգը:
Հատուկ ծառայությունների մշտական վերահսկողության տակ կգտնվի շուրջ 3 հազար մարդ, որոնք բնակվում են ինչպես Ֆրանսիայի տարածքում, այնպես Էլ արտասահմանում, եթե նրանք կապեր ունեն Ֆրանսիայի հետ:
