Թուրքական ծաղրանկարային Penguen պարբերականի երկու ծաղրանկարիչները' Բահադըր Բարութերը և Օզեր Այդողանը Թուրքիայի նախագահ Ռեջեփ Թայիփ Էրդողանին վիրավորելու հիմնավորմամբ դատապարտվել են: Ինչպես հաղորդում է «Արմենպրես»-ը, այս մասին տեղեկացնո ւմ է թուրքական «Հուրիեթ» պարբերականը:

Ծաղրանկարիչները մեղավոր են ճանաչվել Էրդողանի' նախագահական նոր պալատ տեղափոխվելու վերաբերյալ արած երկու ծաղրանկարի համար: Դատարանը սկզբում որոշում է կայացրել նկարիչներին դատապարտել 11 ամիս 20 օր ազատազրկման, սակայն հետագայում որպես խափանման միջոց կալանքը փոխարինվել է գումարային տուգանքով: