Հայաստանի վարչապետ Հովիկ Աբրահամյանը Ռուսաստանի իր պաշտոնակցի՝ Դմիտրի Մեդվեդեւի հետ քննարկել է ինտեգրացիոն համագործակցությունը Եվրասիական տնտեսական միության շրջանակներում: Այդ մասին, ինչպես տեղեկացնում է «Արմենպրես»-ը, հաղորդել է ՌԴ կառավարության մամուլի ծառայությունը:
«Հայկական կողմի նախաձեռնությամբ մարտի 30-ին տեղի է ունեցել ՌԴ կառավարության ղեկավար Մեդվեդեւի հեռախոսազրույցը ՀՀ վարչապետ Աբրահամյանի հետ: Քննարկվել են առեւտրատնտեսական համագործակցության եւ ներդրումային համագործակցության հրատապ հարցերը, ինչպես նաեւ ինտեգրացիոն գործակցության թեմատիկան Եվրասիական տնտեսական միությունում»,- ասված է հաղորդագրության մեջ:
