«Նորմանդական քառյակի» (Գերմանիա, Ռուսաստան, Ֆրանսիա, Ուկրաինա) արտգործնախարարների մակարդակով հանդիպումը տեղի կունենա երկուշաբթի երեկոյան Բեռլինում: Այս մասին հայնտել է ՏԱՍՍ-ը:
Հանդիպման հիմնական թեման կլինի Ուկրաինայի արևելքում տիրող իրավիճակն ու մինսկյան պայմանավորվածությունների կատարման ընթացքը:
Դրա հետ մեկտեղ, ըստ դիտորդների, այդ հանդիպումը կարող է խորհրդանշել խաղաղությանն ուղղված ջանքերի նոր փուլ, երբ կրակի դադարեցման և ծանր սպառազինության հետքաշմանը կհաջորդի հակամարտության մասնակիցների կողմից' Մինսկի պայմանավորվածությունների քաղաքական մասի իրականացումը:
