Ապրիլի 16-ին, ժամը 04.00-ին ահազանգ է ստացվել, որ Արարատի մարզի Դաշտավան գյուղի սկզբնամասում տեղի է ունեցել ՃՏՊ' հրդեհի բռնկումով, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Հ-13 միջհամայնքային ավտոճանապարհի Մասիս-Վաղարշապատ հատվածի 6-րդ կմ-ի մոտակայքում՝ Դաշտավան գյուղում, «Օպել» մակնիշի ավտոմեքենան դուրս է եկել ճանապարհի երթևեկելի հատվածից և բախվել էլ.սյանը, ինչի հետևանքով ավտոմեքենայում հրդեհ է բռնկվել:
Մինչ հրշեջ-փրկարարների կանչի վայր հասնելը' տեղի ուժերով ավտոմեքենայից դուրս են բերվել վարորդ' Գ. Ս.-ն (ծնվ.1987թ.) և ուղևոր Գ. Ա.-ն (ծնվ.1983 թ.) և տեղափոխվել Մասիս քաղաքի ԲԿ:
Ըստ բժիշկների' տուժածների առողջական վիճակը միջին ծանրության է:
Հրդեհը մեկուսացվել է ժամը 04.16-ին, մարվել' 04.26-ին: Ամբողջությամբ այրվել է «Օպել» մակնիշի 34 CO 903 պ/հ ավտոմեքենան:
