ԵՄ-ի «Արևելյան գործընկերության» հայտարարագիրը ողջ օրվա ընթացքում հրաժարվել է ստորագրել Ադրբեջանը: Այս մասին այսօր Ռիգայում լրագրողներին հայտարարել է Եվրախորհրդարանի նախագահ Մարտին Շուլցը, փոխանցում է ՏԱՍՍ-ը:
Պատասխանելով խնդրահարույց պահերի վերաբերյալ հարցին՝ նա ասել է. «Թվում է, թե այդ խնդիրներն Ադրբեջանի հետ են կապված: Համենայն դեպս, դա այդպես էր ողջ օրվա ընթացքում»:
Նա նաև նշել է, որ չգիտի, թե արդյոք արդեն իսկ ընդունվա՞ծ է փաստաթուղթը. «Ես չգիտեմ, թե արդյոք այս պահին հռչակագիրը ստորագրված է»,- ասել է Շուլցը:
Մինչդեռ, Լիտվայի նախագահ Դալյա Գրիբաուսկայտեն հայտնել է ՏԱՍՍ գործակալությանը, որ փաստաթուղթն արդեն հաստատվել է:
