Ծայրահեղական «Իսլամական պետություն» ահաբեկչական կազմակերպությունը առևանգած թուրք 21-ամյա զինվոր Սերթեր Թաշի փրկության համար թուրք պաշտոնյաներից պահանջել է ազատ արձակել Թուրքիայի բանտերում գտնվող ԻՊ 200 անդամի:
Ինչպես հաղորդում է «Արմենպրես»-ը, այս մասին տեղեկացնում է թուրքական «Միլլիեթ» պարբերականը:
ԻՊ-ի արտաքին հարաբերությունների՝ Թուրքիայի գծով պատասխանատուն WahtsApp-ի միջոցով կապվել է Թուրքիայի ազգային հետախուզական ծառայության բարձարաստիճան պաշտոնյաներից մեկի հետ, ներկայացրել իրենց պահանջը և տվել այն 200 անձի ցուցակը, որոնց պահանջում են ազատ արձակել: Իսլամիստական կազմակերպությունից հայտնել են, որ առևանգված զինվորի վիճակը լավ է, սակայն Ռուսաստանի կողմից իրականացվող ռմբակոծությունների հետևանքով նրան այլ վայր են տեղափոխել:
