Քիչ առաջ մեկնարկել է «Նոր Հայաստան» փրկության ճակատի և Ընդդիմության միասնական շտաբի հանրահավաքը:

 21.19

Նստացույցը շարունակվում է:

21.05

Երթն ավարտվեց: Ցուցարարները վերադարձան Ազատության հրապարակ:

20.35

Երթից հետո ելույթ ունեցավ, «Ժառանգություն» կուսակցության պատգամավոր Զարուհի Փոստանջյանը, վերջինս ևս անդրադարձավ Սերժ Սարգսյանի հարցազրույցին և ասաց, որ Սերժ Սարգսյանը «Ժառանգությանը» մեղադրել է, որ կարող են ատերազմ հայտարարել Թուրքիային և Ադրբեջանին,և ասաց.

«Մենք պատերազմ հայտարարողը չենք։ Պատերազմը մեզ հայատարարել են Թուրքիան և Ադրբեջանը , բայց ամենացավալին այն է, Սերժ Սարգսյան, հենց դու ես մեր ժողովրդին պատերազմ հայատարարել։ Դու ինքդ ես այսօր օսմանյան կայսրի նման դաժան վերաբերվում մեր ժողովրդի հետ: Ես այսօր շատ տխուր եմ, շատ հուզված ու մտահոգ, որովհետև մենք կորցնում ենք մեր այս փոքրիկ հայրենքիը, որից մի բուռ է մնացել»:

20.24

Ցուցարարները փոխեցին երթուղին նրանք ցանկացան բարձրանալ դեպի Բաղրամյան 26: Ոստիկանները փակեցին ցուցարարների ճանապարհը, վերջիններս ստիպված եղան ետ վերադառնալ:

20.04

Մեկնարկել է երթը: Երթի մասնակիցները կոչ են անում քաղաքացիներին միանալ իրենց:

20.01

Բախում տեղի ունեցավ Րաֆֆի հովհաննիսյանի և Վալերի Օսիպյանի միջև:

19.47

Ելույթ ունեցավ Ժիրայր Սեֆիլյանը: 

19.25

Ազատության հրապարակում լարված մթնոլորտ է: Ժիրայր Սէֆիլյանը առաջարկեց վրան տեղադրել, սակայն ոստիկանները թույլ չտվեցին: Հրմշտոց է սկսվել ցուցարարների և Երևանի փոխոստիկանապետ Վալերի Օսիպյանի միջև:

18.25

Ելույթ ունեցավ Րաֆֆի Հովհաննիսյանը, վերջինս անդրադառնալով Սերժ Սարգսյանի լրատվամիջոցների հետ հանդիպմանն ասաց. ««Ժառանգությունը և ես, չգիտեմ պատիվ, թե անպատվություն ապրեցինք երեք անգամ մեր անունը ընթերցելով, լսելով: Շնորհակալություն այդ ուշադրության համար, թող վերլուծաբանները մեկնաբանեն, թե դա ինչ է նշանակում»։