Շմոլ գազից թունավորված Կոտայքի մարզի Եղվարդ քաղաքի Շահումյան փողոցի 12 հոգուց բաղկացած ընտանիքի առողջական վիճակը կայուն է գնահատվում: Ինչպես «Արմենպրես»-ին տեղեկացրին «Արմենիա» հանրապետական բժշկական կենտրոնից, ընտանիքի բոլոր անդամները դուրս են գրվել հիվանդանոցից և տեղափոխվել տուն:
ՀՀ արտակարգ իրավիճակների նախարարությունը մարտի 29-ին' ժամը 05.07-ին, ահազանգ էր ստացել, որ քաղաքացիներին հոսպիտալացնելու համար անհրաժեշտ է փրկարարների օգնությունը: Դեպքի վայր է մեկնել ՃԿԱԿ ՕԽ-ն:
Պարզվել է, որ թունավորման նախանշաններով 1981 թ. ծնված Լ. Ս.-ը, 1990 թ. ծնված Վ. Ա.-ը, 2015 թ. ծնված Ա. Շ.-ը, 2013 թ. Ա. Շ.-ը, 2009 թ. ծնված Ա. Շ.-ը, 2013 թ. ծնված Պ. Շ-ը, 1938 թ. ծնված Լ. Շ.-ը, 1978 թ. ծնված Մ. Շ.-ը, 1939 թ. ծնված Պ. Շ.-ը և 1973 թ. ծնված Մ. Շ.-ը տեղափոխվել են Եղվարդ քաղաքի ԲԿ, որտեղ բժիշկները Լ. Ս.-ի, Վ. Ա.-ի, Ա. Շ.-ի, Ա. Շ.-ի, Պ. Շ.-ի և Ա. Շ.-ի առողջական վիճակը գնահատել են բավարար:
Մինչ փրկարարների կանչի վայր հասնելը՝ «Արմենիա» ՀԲԿ են տեղափոխվել Լ. Շ.-ը, Մ. Շ.-ը, Մ. Շ.-ը և Պ. Շ.-ը, որտեղ բժիշկները տուժածների առողջական վիճակը գնահատել են միջին ծանրույթան:
