armnoc.am Բռնցքամարտի Հայաստանի հավաքականի անդամ, 64 կգ քաշային Հովհաննես Բաչկովն Օլիմպիական խաղերի ուղեգիր նվաճելու հնարավորություն ունի:
Բռնցքամարտի միջազգային ֆեդերացիան (AIBA) հնարավորություն է տվել պրոֆեսիոնալ բռնցքամարտիկներին մասնակցել Ռիոյի Օլիմպիական խաղերին:
Վենեսուելայում մարզիկները կմասնակցեն վարկանիշային մրցաշարի, որտեղ հայ բռնցքամարտիկը նույնպես կփորձի ուղեգիր նվաճել:
Ինչպես ՀԱՕԿ լրատվականի հետ զրույցում նշեց բռնցքամարտի Հայաստանի հավաքականի գլխավոր մարզիչ Կարեն Աղամալյանը, Բաչկովը մրցատեղի է մեկնել մարզիչ Մեխակ Ղազարյանի հետ: Հուլիսի 2-ին կկայանա կշռման արարողությունը և վիճակահանությունը:
Մրցաշարը կկայանա հուլիսի 3-8-ը:
