ԱՄՆ-ում 14-ամյա դեռահասին ոստիկանները ձերբակալել են 3-ամյա աղջնակի նկատմամբ բռնի գործողություններ կատարելու համար: Նա պետք է հետեւեր երեխային՝ ծնողների բացակայության ժամանակ, գրում է DailyMail-ը:
Հաղորդվում է, որ դեռահասը տուն է հրավիրել իր ընկերներին, որոնց հետ սկսել է խմել ու թմրանյութեր օգտագործել:
Հաճելի ժամանակ անցկացնելուն խանգարում էր երեքամյա փոքրիկը, որին նա, իբր, պետք է հետեւեր: Հարբած դեռահասը փոքրիկին մտցրել է լվացքի մեքենայի մեջ եւ միացրել այն՝ չորացման ռեժիմի տակ:
Բարեբախտաբար երեխան ողջ է մնացել, սակայն տուն վերադարձած ծնողները նրան գտել են ամբողջությամբ կապտուկներով ծածկված:
Մայրն անմիջապես դիմել է ոստիկանություն, դեռահասին ձերբակալել են:
