Մեր ունեցած տվյալներով՝ այս օրերին ԲՀԿ–ում ակտիվ քննարկվում է Երևանի ավագանու ընտրություններում մասնակցել–չմասնակցելու հարցը։ Նրանք դեռ երկմտում են սեփական թեկնածույով հանդես գալու հարցի շուրջ։ Մեր աղբյուրների փոխանցմամբ՝ եթե ԲՀԿ–ն այնուամենայնիվ որոշի մասնակցել Երևանի ավագանու ընտրություններին, ապա քաղաքապետի իրենց թեկնածուն, ամենայն հավանականությամբ, կլինի ՄԱԿ կուսակցության նախագահ Գուրգեն Արսենյանը։ Մնում է սպասել, արդյո՞ք ԲՀԿ–ն կմասնակցի ավագանու ընտրություններին, թե՞ կսատարի ՀՀԿ թեկնածուին։ Կա նաև այլ տարբերակ, ինչպես անցած նախագահական ընտրություններին, ԲՀԿ–ն գուցե կրկին որդեգրի չեզոք գործելաոճ։