Հայաստանի Հանրապետական կուսակցությունը պատրաստ է բոլոր քաղաքական ուժերի հետ քննարկել ապրիլի 2-ին նշանակված Ազգային ժողովի ընտրությունները օրը փոխելու հարցը: ՀՀԿ ԳՄ և խորհրդի նիստերից հետո լրագրողների հետ հանդիպմանն այս մասին հայտնեց ԱԺ փոխնախագահ, ՀՀԿ խոսնակ Էդուարդ Շարմազանովը: «Եթե բոլոր քաղաքական դերակատարները գան քաղաքական պայմանա վորվածության, որ 3, 4 կամ 5 օրով հետաձգենք ընտրության օրը, որը համընկնում է ապրիլի 2-ի հետ, ապա Հանրապետական կուսակցությունն այստեղ որևէ քաղաքական խոչընդոտ չի տեսնում»,- ասաց Շարմազանովը:
Նա հավելեց, որ ՀՀԿ-ն էլ գտնում է, որ ապրիլի 2-ը պետք է լինի ազգային համախմբման, միասնության, ապրիլյան պատերազմի ընթացքում զոհված զինծառայողների հիշատակը հարգելու օր: Նա նշեց, որ իրավաբանները նշում են, որ ապրիլի 2-ին ընտրությունների օր նշանակելը չի հակասում Սահմանադրությանը, սակայն ՀՀԿ-ն ընտրությունների օրը փոխելու հարցը պատրաստ է քննարկել:
