Սոֆիայում ընթացող Ստրանջայի միջազգային մրցաշարում այսօր տեղի ունեցան քառորդ եզրափակչի մենամարտերը: Հովհաննես Բաչկովը դուրս գալով կիսաեզրափակիչ ապահովել է առնվազն բրոնզե մեդալ, իսկ գերծանր քաշային Դավիթ Չելոյանը պարտություն է կրել:
Երեկոյան մրցահերթում ռինգ դուրս եկած Հայաստանի մյուս 2 ներկայացուցիչները՝ 60 կգ քաշային Կարեն Տոնականյանն ու 69 կգ քաշային Վլադիմիր Մարգարյանը պարտություն են կրել Անգլիան ներկայացնող բռնցքամարտիկներից:
Այսպիսով, Սոֆիայում հայաստանցի բռնցքամարտիկներից պայքարը շարունակում է միայն Բաչկովը: Այս մասին տեղեկացնում է ՀԲՖ մամուլի ծառայությունը:
