ՀՀ արտաքին գործերի նախարար Էդվարդ Նալբանդյանը մարտի 3-ին հանդիպել է Արցախի արտգործնախարար Կարեն Միրզոյանին, ով Երևանում է Հայաստանի ԱԳՆ ղեկավար կազմի, արտերկրում Հայաստանի դեսպանների, միջազգային կազմակերպություններում մշտական ներկայացուցիչների և գլխավոր հյուպատոսների հավաքին մասնակցելու նպատակով: Այս մասին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից՝ հավելելով. «Քննարկվեցին Հայաստանի դիվանագիտական ներկայացուցչությունների ղեկավարների հերթական հավաքի արդյունքները:

Ի նշանավորումն Կարեն Միրզոյանի՝ Հայաստանի և Արցախի արտաքին գործերի նախարարությունների միջև համագործակցության ամրապնդման գործում նշանակալի դերի և զգալի ավանդի՝ Էդվարդ Նալբանդյանը Արցախի արտգործնախարարին հանձնեց ՀՀ ԱԳՆ առաջին աստիճանի պատվո մեդալը»: