shamshyan.com-ը գրում է.
Երեկ՝ մարտի 12-ին, խոշոր ավտովթար է տեղի ունեցել Շիրակի մարզում։ Ժամը 17։00-ի սահմաններում Գյումրի քաղաքից դեպի Մայիսյան գյուղ տանող ճանապարհահատվածի 23-րդ կմ հատվածում բախվել են ՌԴ քաղաքացի, ժամանակավորապես Գյումրիում բնակվող 60-ամյա Հենրիկ Մկրտչյանի վարած Volkswagen Jetta մակնիշի 34 ՍM 547 համարանիշի և Շիրակի մարզի Կաքավասար գյուղի բնակիչ, 31-ամյա Արկադի Ապիկյանի վարած Toyota Camry մակնիշի 97 CG 777 համարանիշի ավտոմեքենաները։
Վթարի հետևանքով վարորդներից Հ. Մկրտչյանն ու Volkswagen-ի ուղևորներ՝ Գյումրի քաղաքի Նիզամու փողոցի բնակիչ, 33-ամյա Բագրատ Համբարյանը և Toyota-ի վարորդ Ա. Ապիկյանը մարմնական վնասվածքներով տեղափոխվել են Գյումրիի բժշկական կենտրոն։
