Հարկադիր կատարման ծառայությունում մեկնարկել է առաջատար և գլխավոր խմբերի պաշտոններ զբաղեցնող հարկադիր կատարողների ատեստավորման գործընթացը: Այն անցկացվելու է ս/թ հոկտեմբերի 10-16-ը ներառյալ:

Ինչպես տեղեկացրին ԴԱՀԿ լրատվական ծառայությունից, ատեստավորումն անցկացվում է՝ համաձայն «Դատական ակտերի հարկադիր կատարումն ապահովող ծառայության մասին» ՀՀ օրենքի, ըստ որի՝ յուրաքանչյուր տարի հարկադիր կատարողների առնվազն մեկ երրորդը ենթակա է պարտադիր ատեստավորման: Հարկադիր կատարողի հերթական ատեստավորումն անցկացվում է երեք տարին մեկ:

Հարկ է նշել, որ ատեստավորումից հետո ատեստավորման հանձնաժողովն ընդունում է հետևյալ որոշումներից միայն մեկը.

- համապատասխանում է զբաղեցրած պաշտոնին,

- կարող է զբաղեցնել ավելի բարձր պաշտոն,

- ատեստավորումը հետաձգել և հարկադիր կատարողին գործուղել վերապատրաստման.

- չի համապատասխանում զբաղեցրած պաշտոնին:

Այս տարի ատեստավորմանն ընդհանուր առմամբ մասնակցում են Ծառայության Երևան քաղաքի և մարզային բաժինների թվով 75 հարկադիր կատարողներ: