«Փաստ» օրաթերթը գրում է.
«Որքան էլ վարչապետը հայտարարում է, որ ամենատարբեր ոլորտներում վերացվում են մոնոպոլիաները եւ ցանկացած մարդ ցանկացած ապրանք կարող է ներկրել ու վաճառել, միեւնույն է՝ ներկրողների միջեւ պայքար է գնում հանուն մոնոպոլիայի: Շուրջ վեց ամիս է վերեւներում «տանիք» ունեցող' Երեւանի երկու քրեական հեղինակություններ դուրս են եկել միմյանց դեմ՝ մասնագիտացված տախտակի ներկրման շուկայում մոնոպոլիա ձեռք բերելու համար: Խոսքը հատուկ նշանակության փայտի մասին է: Ո՞վ կհաղթի, վերեւներում ո՞ւմ տանիքն է ավելի «ապահով» ու ուժեղ, պարզ չէ: Առայժմ մաքսային կառույցները ոչ մեկի կողմը չեն բռնում: Սրա միակ ելքը երրորդ, չորրորդ ներկրողներ ներգրավելն է, թե չէ՝ երկուսն էլ իրար «կուտեն»: Իշխանությունները պետք է կողքից «թամաշա» չանեն, այլ կոնկրետ միջոցներ ձեռնարկեն:
Շարունակությունը՝ թերթի այսօրվա համարում:
