Այսօր՝ հուլիսի 4-ին, վաղ առավոտյան ոստիկանության քրեական հետախուզության գլխավոր վարչության (վարչության պետ, ոստիկանության գնդապետ Սամվել Ասատրյանի), ոստիկանության Կոտայքի մարզային վարչության (վարչության պետ, ոստիկանության գնդապետ Ռոմիկ Կիրակոսյանի), ոստիկանության Նաիրիի բաժնի ծառայողները հսկայածավալ օպերատիվ-հետախուզական միջոցառումների արդյունքում Երևանի Մալաթիա-Սեբաստիա վարչական շրջանում հայտնաբերել են հուլիսի 2-ին Չարենցավանի դատարանից փախուստի դիմած կալանավոր, 20-ամյա Դավիթ Վաչիկի Գրիգորյանին, ով տեղափոխվել է ոստիկանության Նաիրիի բաժին: 

Ինչպես արդեն տեղեկացրել ենք, հուլիսի 2-ին արտակարգ դեպք էր տեղի ունեցել Կոտայքի մարզում։ Ժամը 20։30-ի սահմաններում Կոտայքի մարզի ընդհանուր իրավասության 1-ին ատյանի դատարանի Չարենցավանի նստավայրից փախուստի էր դիմել կալանավոր՝ 20-ամյա Դավիթ Վաչիկի Գրիգորյանը։

Վերջինիս նկատմամբ քրեական գործ էր հարուցված եղել ՀՀ քր .օր-ի 112 հոդվածի 1-ին մասի հատկանիշներով։