72 տարեկան հասակում կյանքից հեռացել է լեգենդար դարպասապահ Ալյոշա Աբրահամյանը, տեղեկացնում է «Armsport.am»-ը։ «Արարատ-73»-ի դարպասապահը տևական ժամանակ բուժվում էր հիվանդությունից։

Ալյոշա Աբրահամյանը 1966-1978 թվականներին Երևանի «Արարատի» կազմում հանդես է եկել ԽՍՀՄ առաջնության բարձրագույն խմբում, անցկացրել 276 խաղ։

1973 թվականին դարձել է ԽՍՀՄ չեմպիոն, 1971 և 1976 (գարնանային) թվականների առաջնությունների արծաթե մեդալակիր, 1973 և 1975 թվականների ԽՍՀՄ գավաթակիր։