Կարպիս Փաշոյանը ֆեյսբուքյան իր էջում գրում է. «Իհարկե, Նիկոլ Փաշինյան-Լևոն Տեր-Պետրոսյան հեռախոսազրույցը սուտ է ու ապատեղեկատվություն: Բայց, այնուամենայնիվ, ես չեմ հասկանում, թե ինչու են որոշ մարդիկ քննադատաբար մետենում դրա հնարավորությանը:
Վարչապետը ո՞ւմ հետ պետք է քննարկի Ղարաբաղյան հակամարտությունը, ֆեյսբուքյան վերլուծաբանների՞:
Ավելի քան օրինաչափ է, երբ պետության ղեկավարը երկրի առջև ծառացած առաջնային հիմնախնդիրներն ու մարտահրավերները քննարկում է նախորդ ղեկավարների հետ: Սա վկայությունն է այն բանի, որ Հայաստանը կայացած, ավանդույթներ ունեցող պետություն է:
Եթե անհրաժեշտություն լինի, ապա նմանատիպ քննարկումներ պետք է իրականացվեն ոչ միայն առաջին նախագահի, այլ նաև՝ Սերժ Սարգսյանի, Ռոբերտ Քոչարյանի, Արկադի Ղուկասյանի, Ալեքսանդր Արզումանյանի, էդվարդ Նալբանդյանի և բոլոր այն մարդկանց հետո, որոնք փորձագիտական մակարդակով տիրապետում են հիմնախնդրին:
Հասկանում եմ, որ մոտեցումն այս որոշ մարդկանց մոտ հիստերիայի ալիք է բարձրացնելու: Բայց պետության ու հանրության շահը ամեն ինչից վեր է ու դրա կենսագործման ճանապարհին ֆեյսբուքյան հիստերիայի նոպաները երկրորդական են:
Ավելի լավ է գնալ բանտ ու Քոչարյանից հարցնել Ղարաբաղյան հակամարտության բանակցությունների պատմությունը, քան դրա շուրջ խոսել Ալիևի հետ»:
