Ոչ հաստատում եմ, ոչ հերքում եմ: Այս մասին, այսօր՝ փետրվարի 22-ին, ԱԺ-ում լրագրողների հետ զրույցում նշեց Արդարադատության նախարար Արտակ Զեյնալյանը՝ անդրադառնալով հարցին, թե որքանով են համապատասխանում իրականությանը տեղեկությունները, որ ինքը փորձել է հանդիպել կալանավորված Ռոբերտ Քոչարյանին, սակայն մերժում է ստացել, եւ ինչու է վերջինս մերժել:
«Եթե ես հայտնեմ, թե ինչու է նա մերժել, նշանակում է ես արդեն համաձայնություն եմ տալիս փաստին, որ հանդիպել եմ կամ չեմ հանդիպել:
Դա հրապարակման ենթակա չէ. քրեակատարողական հիմնարկները, այդ թվում կալանավայրերը գտնվում են իմ ենթակայության տակ, և ես կարող եմ այցելել բոլորին, ծանոթանալ պայմաններին: Թե ում հետ եմ հանդիպել, ինչ պայմաններում եմ հանդիպել, դա հրապարակման ենթակա չէ: Ես ոչ հաստատում եմ, ոչ հերքում եմ, որովհետև այս տեղեկությունը փակ է»,-ասաց Զեյնալյանը:
