Գեղարքունիքի մարզի Մարտունի քաղաքում զարգացման նոր թափ է հավաքում ձիարշավային տուրիզմը, որը նախորդ տարիների ընթացքում նախաձեռնել եւ արմատավորել է լրագրող, դպրոցի զինղեկ Տիգրան Բաղիշջանյանը:
Ինչպես տեղեկացրեց Տիգրան Բաղիշջանյանը, Մարտունի քաղաքում ձիաբուծության եւ ձիարշավային տուրիզմի արմատավորման նախաձեռնության իրականացմանն ինքը ձեռնամուխ է եղել դեռեւս 2013 թվականից՝ դրամաշնորհային ծրագրով: Կարճ ժամանակում նա արդեն հասցրել է ունենալ զբոսաշրջիկներ աշխարհի տարբեր երկրներից:
«Տարածքն անվճար եւ օժանդակության կարգով տրամադրել է Մարտունի քաղաքի բնակիչ Հրաչ Կարապետյանը: Սկզբից ձեռք եմ բերել երկու ղարաբաղյան ձի, իսկ այսօր արդեն ունեմ 10-ը: Անցած տարիների ընթացքում զբոսաշրջիկ հաճախորդներ եմ ունեցել Ֆրանսիայից, Անգլիայից, Ռուսաստանից, այլ երկրներից: Նախորդ տարի ունեցել եմ 45 հաճախորդներ, որոնց թիվն այս տարի կարող է լինել մի քանի անգամ ավելին, քանի որ այս պահի դրությամբ արդեն նախորդ տարվա համեմատ կրկնակի պատվերներ ունեմ: Ի դեպ, այս տարի արդեն հասցրել եմ ընդունել 2 զբոսաշրջիկների՝ Ճապոնիայից ու Ռուսաստանից: Եթե նախորդ տարիներին ինձ մոտ զբոսաշրջային սեզոնն ընթանում էր ապրիլ-նոյեմբեր ամիսներին, ապա այժմ այն սկսվում է փետրվարից: Ձիարշավային կամ հեծյալ տուրիզմը բավականին հեռանկարային ճյուղ է մեր քաղաքում, որը գտնվում է գեղատեսիլ լեռնային վայրեր տանող ճանապարհների խաչմերուկում՝ կապվելով Ագրիջայի սարահարթի, Վայոց Ձորի, Գառնի-Գեղարդի, Վարդենիսի լեռնաշղթայում գտնվող Մեծ եւ Փոքր Ալ լճերի հետ: Մեր հաճախորդները ձիերով հասնում են մինչեւ Սելիմի քարավանատուն, Մարտունուց դեպի հարավ-արեւելք ընկած Մթնաձորի ու Կոփոյ վարի յայլաղատեղեր, Ջերմուկ, արեւմուտքում՝ մինչեւ Աժդահակ լեռան փեշեր, Գեղարդ: Արդյունքը շոշափելի է եւ հուսադրող, ուստի նպատակադրվել եմ զարգացնել եւ առաջ տանել զբոսաշրջային բիզնեսի այս բավականաչափ հետաքրքիր ճյուղը»,-նշեց Տիգրան Բաղիշջանյանը:
Զբոսաշրջային բիզնեսը Տիգրան Բաղիշջանյանը վարում է ընտանիքի անդամների հետ: «Իմ անփոխարինելի գործընկերներն առայժմ ընտանիքիս անդամներն են՝ կինս, տղաս եւ աղջիկս. վերջինս տիրապետում է 4 լեզվի ու անթերի է կատարում թարգմանչի պարտականությունները: Ի դեպ, ձիարշավային տուրիզմով հետաքրքրվող զբոսաշրջիկները միայն մեր ընտանեկան բիզնեսը չէ, որ առաջ են տանում: Նրանք իրենց այցերի ընթացքում օգտվում են հյուրատներից կամ հյուրանոցներից, սննդի կետերից, խանութներից: Անչափ մեծ է նրանց հետաքրքրությունը տեղական հուշանվերների նկատմամբ, ուստի որոշել ենք զարկ տալ տեղական հուշանվերների արտադրությանը: Սա նաեւ բազմաֆունկցիոնալ ծրագիր է, որը կարող է զարկ տալ տնտեսության մի շարք ճյուղերի զարգացմանը: Մենք հավակնում ենք դառնալ միջազգային ճանաչում ունեցող մեծ ձեռնարկություն»,-ներկայացրեց ձեռնարկատերը:
Ձիարշավային զբոսաշրջությունը Տիգրանը նպատակադրվում է զուգակցել ձիաբուծության հետ՝ ձգտելով վերականգնել հայկական ձիերի ազնվացեղ տեսակը: «Նաեւ արժեքավոր քայլ եմ կատարել հայկական ազնվացեղ ձիեր ստանալու ճանապարհին, քանի որ դրա համար արդեն ձեռք եմ բերել արաբական 1 մաքրացեղ մտրուկ: Դրա համար ինձ համապատասխան տարածք է հարկավոր, ու որոշակի դրամական միջոցներ, որի համար էլ բիզնես ծրագիր եմ ներկայացրել՝ պետական կամ դրամաշնորհային աջակցություն ստանալու նպատակով: Նպատակ ունեմ բուծել մինչեւ 30 ազնվացեղ հայկական ձի: Այդ դեպքում արդեն խոսք գնալու է ոչ միայն հեծյալ տուրիզմի զարգացման ծավալների, այլ նաեւ՝ բուծվող ազնվացեղ ձիերը վաճառքի հանելու մասին: Կստեղծվի մոտ 10 աշխատատեղ: Ես հավատով եմ նայում մեր ձեռնարկության վաղվա օրվան» ,-ամփոփեց Տիգրան Բաղիշջանյանը:
Մարտունի քաղաքում զարգացման թափ է հավաքում ձիարշավային տուրիզմը
11:13 - 27.Փետրվար.2019
Առաջարկում ենք նաև
14/04/23 10:04
Թալինում տեղում է ձյուն, կան փակ ավտոճանապարհներ
01/06/21 12:00
8-ամյա Վիկտորիան մահացավ պատերազմի առաջին օրը Արցախի Մարտունի քաղաքում՝ նկուղ շտապելիս
04/12/18 14:10
Գագիկ Ծառուկյանը Մարտունի քաղաքում է․ ՈւՂԻՂ
25/06/18 23:02
Չինացիների քիմքին հաճո է նռան գինին. Ցինդաո քաղաքում ներկայացվել է Հայաստանի գինու տուրիզմը
28/02/18 13:45
Գեղարքունիքի մարզպետը շրջայց է կատարել Մարտունի քաղաքում
28/10/16 17:21
Կրոնական տուրիզմը զարգացման անհրաժեշտություն ունի
23/01/16 09:42
Տուրիզմը որպես զարգացման հեռանկարային ճյուղ հայտարարած երկրում հին շենքեր չպետք է քանդվեն
11/02/15 01:15
Մարտունի քաղաքում բնակարանի խիստ կարիք ունի 207 ընտանիք
24/11/14 22:35
Արցախի Մարտունի քաղաքում բնակելի թաղամաս է կառուցվում
Ամենադիտված
Լրահոս
12:50
ԱԽ քարտուղարն ադրբեջանական թեզեր է առաջ մղում՝ առիթը բաց չթողնելով հակառուսական ձևակերպումներ անելու. Տիգրան Աբրահամյան
12:03
ՀՀ իշխանությունը մտածում է, որ Արցախն Ադրբեջանի կազմում ճանաչելը հաղթանակ է. Սամվել Շահրամանյան (տեսանյութ)
11:52
Հավատալ և գործել, սա է բանաձևը վերադարձի և ազգային նոր ձեռքբերումների․ Արցախի թեմի առաջնորդի ուղերձը
11:30
Հակակոռուպցիոն կոմիտեում քննվող վարույթը համարում եմ փաստացի հետապնդում իմ արտահայտած կարծիքի համար․ Թագուհի Թովմասյան
11:00
Սպիտակցի Հայկոյի որդին՝ Հրաչյա Ղևոնդյանը, առնչություն չունի իրեն վերագրվող հանցանքի հետ. փաստաբան
10:00
Արցախի հետ տեղի ունեցած ողբերգությունը վաղը, թե ուշ կպատուհասի նաև Մեծ Հայքի վերջին հողակտորը. Չալաբյան
09:02
Արցախի բռնազավթման և Արցախի ժողովրդի բռնի տեղահանության տարելիցի կապակցությամբ Եռաբլուրում հարգանքի տուրք կմատուցվի
13:20
Հայկական սփյուռքի հիմնական գործառույթները ժամանակակից փուլում և Սփյուռքի նկատմամբ պետական հայեցակարգի ընդունման անհրաժեշտությունը
12:20
Գլխավոր դատախազությունը՝ 44-օրյայի օրերին զենքերի անհետացման և քրեական գործեր լինել-չլինելու մասին
11:37
Բալանսավորված քաղաքականության մասին խոսում է մեկը, ով դրա ոչնչացման ուղղությամբ արել է առավելագույնը. Սուրեն Սուրենյանց
08:40
Ինչ փուլում են Ադրբեջանի հետ խաղաղության պայմանագրի շուրջ բանակցությունները. ԱԳՆ-ն խուսափում է պատասխանել. «Ժողովուրդ»