Լոնդոնի «Արսենալի» նիգերիացի ֆան-խումբը CanonCrested անվանումով առաջարկել է դիմակներ պատրաստել հայ ֆուտբոլիստ Հենրիխ Մխիթարյանի պատկերով եւ բաժանել դրանք ակումբի բոլոր երկրպագուներին, որոնք կմեկնեն Բաքու: «Արսենալին» ընդհանուր առմամբ հատկացվել է 6 հազար տոմս։ «Արսենալի» աֆրիկացի երկրպագուները կոչ են անում հագնել այդ դիմակները, եթե Մխիթարյանը չմեկնի Բաքու ։ Նրանք առաջարկում են ֆլեշմոբ անցկացնել 7-րդից մինչեւ 77-րդ րոպեն, քանի որ մեր հայրենակիցը "Արսենալում" խաղում է 7 համարի մարզաշապիկով ։
Ավելի վաղ բրիտանական The Guardian պարբերականը հայտարարել էր, որ «ՈՒԵՖԱ-ի հետ բանակցությունները շարունակվում են, «Արսենալի» որոշումը կհայտարարվի հաջորդ շաբաթվա սկզբին, սակայն ֆուտբոլային ակումբի կազմում լավատեսություն չունեն այդ հարցում և պատրաստվում են Մխիթարյանին չվերցնել Բաքու»: Ավելի ուշ The Times-ն արդեն ավելի վստահ ենթադրել է, որ Մխիթարյանը Ադրբեջան չի մեկնի ։ Աղբյուրի տեղեկություններով ՝ Մխիթարյանը կմնա Լոնդոնում ՝ անվտանգության նկատառումներից ելնելով ։ Ակումբում գտել են, որ Ադրբեջանում մեր հայրենակցի գտնվելը կարող է վնասել թիմին վճռորոշ խաղից առաջ ։ Մինչ այդ հաղորդվում էր, որ «Արսենալը» ՈՒԵՖԱ-ից պահանջել է «ավելացնել անվտանգության աշխատակիցների թիվը Բաքու կատարած ուղևորության ժամանակ, ինչպես նաեւ հյուրանոցի շուրջ, որտեղ մնալու են «Արսենալի» ֆուտբոլիստները, որպեսզի Մխիթարյանը կարողանա ազատ տեղաշարժվել": Նշենք, որ Ադրբեջանի արտաքին գործերի նախարարությունը եւ երիտասարդության եւ սպորտի նախարարությունը, որոնք հանդես են եկել պետության անունից, անվտանգության երաշխիքներ են տվել եզրափակիչի բոլոր մասնակիցներին, այդ թվում ՝ Մխիթարյանին:
