Թեհրանի մերձակայքում ուկրաինական ինքնաթիռի կործանման հետեւանքով զոհվածներից որեւիցե մեկին աճյունով ճանաչել չի հաջողվի ինքնաթիռում տեղի ունեցած հրդեհի պատճառով: Այդ մասին հայտնել Է Իրանի Կարմիր մահիկի ընկերության միջազգային գործառնությունների հարցերով տնօրեն Մանսուրե Բաղերին:
«Ուկրաինայի միջազգային ավիաուղիների»՝ Կիեւ չվերթ կատարող Boeing 737-ն աղետի է ենթարկվել հունվարի 8-ի առավոտյան Թեհրանի օդանավակայանից թռչելուց շատ չանցած: Նախնական տեղեկատվությամբ՝ զոհվել են բոլորը՝ 176 մարդ. 167 ուղեւորները եւ անձնակազմի ինն անդամները:
«Ես կարող եմ ասել, որ ոչ»,- ՌԻԱ Նովոստիին հայտարարել է Բաղերին՝ պատասխանելով այն հարցին, թե շանսեր կան արդյոք ճանաչելու զոհերից որեւէ մեկին:
«Կործանումից առաջ ինքնաթիռում մեծ հրդեհ է բռնկել»,- պարզաբանել Է նա:
