Օրերս համացանցում տեղեկություն էր տարածվել, որ Երեւանի թիվ 160 դպրոցի մոտակայքից փորձել են երեխա առեւանգել։
Փետրվարի 4-ին, ժամը 22-ի սահմաններում, ոստիկանության Էրեբունու բաժին դիմում էր ներկայացրել Ավանեսովի փողոցի մի բնակիչ, որ նույն օրը, ժամը 12.20-ի սահմաններում, անծանոթ մի տղամարդ իր 7-ամյա դստերը տարբեր խոստումներ է տվել ու շենքի մուտք կանչել։
Ըստ դիմումի՝ տղամարդը հասկանալով, որ հնարավոր չէ երեխային համոզել, ասել էր, որ նա այդ մասին տան մեծահասակներին ոչինչ չասի։
Ոստիկանության Երեւան քաղաքի վարչության եւ Էրեբունու բաժնի անչափահասների գործերով եւ ընտանիքում բռնության կանխարգելման ստորաբաժանումների ծառայողների ձեռնարկած միջոցառումների շնորհիվ պարզվել է տղամարդու ինքնությունը։
5STOPPED
Փետրվարի 5-ին, ժամը 14.30-ին, 33-ամյա տղամարդը հայտնաբերվել է, ներկայացել բաժին եւ տվել բացատրություն:
Հանգամանքները պարզվում են։
Կատարվում է հետաքննություն։
