Իտալիայում վարակման դեպքերի ընդհանուր թիվը մեկ օրվա ընթացքում աճել է մոտ 3000-ով, մահացածների թիվն անցել է 1000-ից, հայտարարել է Իտալիայի քաղաքացիական պաշտպանության ծառայության ղեկավար Անջելո Բորելին, հայտնում է ՌԻԱ Նովոստին։
«Այսօր մենք 213 առողջացած ունենք, նրանց թիվը 1258 է։․․․ Նաեւ մենք գրանցել ենք 188 մահվան դեպք»,- երեկոյան ճեպազրույցում հայտարարել է Բորելին։
Այսպիսով, Իտալիայում մահացածների թիվը հատել է 1000-ի սահմանը։ Նախօրեին այն 827 էր կազմում։
Նրա խոսքերով, վարակվածների ընդհանուր թիվը, ներառյալ մահացածներն ու առողջացածները, գերազանցում է 15 000-ը։
