Մարտի 20-ին՝ ժամը 08:40-ին, Ճգնաժամային կառավարման ազգային կենտրոն ահազանգ է ստացվել, որ Սյունիքի մարզի Գորիս-Տաթև ավտոճանապարհին տեղի է ունեցել սողանք, ինչի հետևանքով «Volkswagen» մակնիշի ավտոմեքենան մնացել է հողաշերտի տակ:
ԱԻՆ լրատվական ծառայությունից հայտնում են, որ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Գորիս-Տաթև ավտոճանապարհի 27-րդ կմ-ի մոտակայքում տեղի է ունեցել քարաթափում (մոտ 2 խմ), ինչի հետևանքով «Volkswagen» մակնիշի ավտոմեքենան (վարորդ՝ Արմեն Հ.) վնասվել է. ավտոճանապարհահատվածը դարձել է միակողմանի երթևեկելի:
Փրկարարները սահմանազատել են տարածքը և ավտոմեքենան դուրս բերել արգելափակումից:
Փրկարարների և Գորիսի ՃՇՇ-ի աշխատակիցների կողմից կատարվել են ճանապարհահատվածի մաքրման աշխատանքներ. ճանապարհը երկկողմանի երթևեկելի է:
