Արցախում մարտի 31-ին կայացած նախագահական եւ խորհրդարանական ընտրությունների նախնական արդյունքները դեռ չեն հրապարակվել: Արցախի ԿԸՀ պաշտոնական կայքում ներկայացված են միայն երկու շրջանների՝ Հադրութի եւ Շահումյանի, նախնական արդյունքները:

Ըստ այդմ, Հադրութի շրջանում ձայները բաշխվել են հետեւյալ կերպ.

Արայիկ Հարությունյան – 3610 (56,1 տոկոս)

Մասիս Մայիլյան – 1278 (19,9 տոկոս)

Վիտալի Բալասանյան – 890 (13,8 տոկոս)

Արցախի Շահումյանի շրջանում պատկերը հետեւյալն է.

Արայիկ Հարությունյան – 888 (57,3 տոկոս)

Մասիս Մայիլյան – 323 (20,8 տոկոս)

Վիտալի Բալասանյան – 200 (12,9 տոկոս):

Մյուս շրջաններից տվյալներ չկան, սակայն Արայիկ Հարությունյանի մամլո խոսնակ Վահրամ Պողոսյանը ողջ գիշերվա ընթացքում տվյալներ է հրապարակել տարբեր տեղամասերից, որը ներկայացնում ենք ստորեւ.

Ասկերան քաղաքում.

Արայիկ Հարությունյան - 575

Վիտալի Բալասանյան - 452

Մասիս Մայիլյան -162

Հադրութ քաղաքում.

Արայիկ Հարությունյան - 782

Մասիս Մայիլյան - 367

Վիտալի Բալասանյան – 193

Ճարտար քաղաքում.

Արայիկ Հարությունյան - 1210

Մասիս Մայիլյան - 470

Վիտալի Բալասանյան – 155:

Այսօր առավոտյան Արցախխի ԿԸՀ-ն հայտարարություն է տարածել, որտեղ նշել է, որ այսօր՝ ապրիլի 1-ին, ժամը 14-ին, Արցախի ԿԸՀ մամլո կենտրոնում կմեկնարկի ԱՀ Հանրային ծառայությունները եւ տնտեսական մրցակցությունը կարգավորող պետական հանձնաժողովի եւ ՀՀ Հեռուստատեսության եւ ռադիոյի հանձնաժողովի նախագահների համատեղ ասուլիսը:

Թեման քարոզարշավի մշտադիտարկման արդյունքների ամփոփում եւ հրապարակում: