ԱՄՆ նախագահ Դոնալդ Թրամփը հուշագիր է ստորագրել, ըստ որի՝ կորոնավիրուսային համաճարակի հետ կապված կանխարգելիչ միջոցառումների շրջանակներում օտարերկրյա պետությունները պետք է ԱՄՆ֊ից տարհանեն իրենց երկրների քաղաքացիներին։ Օտարերկրացիների՝ ԱՄՆ տարածքում բնակությունը առաջացնում են ամերիկյան հասարակության համար անընդունելի հանրային առողջության ռիսկեր: Հուշագրում մասնավորապես ասվում է․ «Այն երկրները, որոնք ժխտում կամ անհիմն հետաձգում են իրենց քաղաքացիների ընդունումը SARS-CoV-2-ի (կորոնավիրուսի) համաճարակի ընթացքում, կենթարկվեն վիզային պատժամիջոցների։ Տվյալ ծանուցումը ստանալուց հետո պետքարտուղարը պետք է ոչ ուշ, քան 7-օրյա ժամկետում ընդունի և նախաձեռնի նախատեսված վիզայի պատժամիջոցների կիրառումը։ Ոչինչ չի կարող փոփոխել կամ սահմանափակել պետքարտուղարի գործողությունները։ Սահմանված պատժամիջոցները դադարում են կիրառվել, եթե անվտանգության նախարարը տեղեկացնում է պետքարտուղարին, որ օտար պետությունը վերսկսել է իր քաղաքացիներին ընդունել առանց անհիմն հետաձգման։ Այս հուշագիրը պետք է իրականացվի գործող օրենսդրությանը համապատասխան։ Այս հուշագիրը դադարում է կիրառվել 2020 թվականի դեկտեմբերի 31-ից, եթե չի երկարաձգվում»:
