Իսրայելը, կորոնավիրուսային համաճարակով պայմանավորված, չի նախատեսում մուտքի արտոնագրի ռեժիմ ներմուծել Ռուսաստանի համար, ասաց Ռուսաստանում Իսրայելի գործերի ժամանակավոր հավատարմատար Էլի Բելոցերկովսկին: «Ես որևէ փոփոխություն չեմ տեսնում մուտքի արտոնագրերի վերաբերյալ: Մեր երկրների միջև գոյություն ունի առանց արտոնագրի ռեժիմ, և ես կարծում եմ, որ այս ռեժիմը կշարունակվի: Ամեն դեպքում, իսրայելական կողմից որևէ փոփոխություն չի սպասվում այս ուղղությամբ։ Երկիրը զբոսաշրջիկների առջև բացելու հարցը ինելու է ավելի ուշ փուլում։ Այժմ որևէ երկրի հետ կանոնավոր թռիչքներ չկան»։»,֊հայտարարել է դիվանագետը Ռուսաստանի հրեական կազմակերպությունների Միավորված տեղեկատվական կենտրոնի կողմից կազմակերպված առցանց մամուլի ասուլիսում: «Արտասահմանյան զբոսաշրջության համար բացման հարցը կքննարկվի ավելի ուշ, ուստի դժվար է ասել, թե ինչ միջոցներ են ձեռնարկվելու նրանց համար: Մի բան կարող եմ ասել, որ տարբեր երկրներից ժամանած զբոսաշրջիկների համար հատուկ միջոցառումներ չեն լինի, դրանք բոլորի համար նույնն են լինելու», - ավելացրեց Բելոցերկովսկին: Իսրայելում, վերջին տվյալների համաձայն, COVID- ի 15 555 դեպք է գրանցվել, մահացությունների ընդհանուր թիվը 204 է:
