Աշխատելու նպատակով Ռուսաստանում բնակվող 49-ամյա Արթուր Պապիկյանը, թեպետ հավատում էր կորոնավիրուսի գոյությանը, սակայն շատերի պես չէր պատկերացնում, որ մի օր ինքն էլ պիտի պայքարի աներևույթ թվացող, սակայն շատ ծանր վարակի դեմ: Ասում է, որ թեև որևէ քրոնիկական հիվանդություն չունի, սակայն ծայրահեղ ծանր պայքար է մղել կորոնավիրուսի դեմ՝ մի կերպ ապաքինվելով: Մի բառով իրավիճակը նկարագրում է՝ դժոխք էր:

Արթուր Պապիկյանը ենթադրում է, որ հավանաբար վարակվել էր փողոցում:

«Դուրս էի եկել, երևի դրսում էլ վարակվեցի, երևի ձեռք տվեցի մի բանի: Հետ գալուց զգացի, որ մի բան էն չի, մրսածություն զգացի, լիքը բան էի գցել վրաս, բայց ոնց որ սառույցի մեջ լինեի, ահավոր դող էր ընկել մեջս։ Ու էդպես սկսվեց: Տաքությունս չէր անցնում, մտածում էի՝ հեսա թեյ խմեմ, կանցնի, մուրաբա կուտեմ, կանցնի, բայց չէ, ավելի էի վատանում»,- պատմում է նա։

Մանրամասն կարդալու համար այցելեք Medialab.am