Արցախի Հանրապետության առողջապահության նախարարությունից ստացված տեղեկատվության համաձայն, նոր կորոնավիրուսի վարակը հաստատվել է ևս 12 քաղաքացու մոտ: Այս մասին այսօր՝ հունիսի 17–ին,  տեղեկանում է Արցախի տեղեկատվական շտաբից։

Նրանք բոլորն էլ Հադրութի շրջանից են՝ միևնույն բռնկման օջախից: Ընդհանուր առմամբ, COVID-19-ը հաստատվել է 91 մարդու մոտ, որից 54-ն արդեն հաղթահարել է հիվանդությունը: Այս պահին մեկուսացված է 94 քաղաքացի, ընդհանուր թեստավորումների քանակը 1467 է: Մահվան դեպք չի գրանցվել։