«Ես չեմ կարծում, որ էդ երկու տարվա մեջ Մեսչյանը ինչ-որ մի բան փոխել է ասպարեզում»,- այս մասին ԼՈՒՐԵՐ.com-ի հետ զրույցում ասաց ՀԽՍՀ վաստակավոր ճարտարապետ Սաշուր Քալաշյանը:

Ըստ ճարտարապետի՝ այն մի շարք ծրագրերը, որոնք Մեսչյանը մտադիր էր կյանքի կոչել, ձախողվել են ոչ նրա պատճառով. «Այդ ծրագրերի չիրականացվելը միայն Մեսչյանի գործունեության հետ կապված չէր, և իր կամքի խնդիրը չէր միայն, դա համակարգի խնդիրն էր, քանի որ համակարգը չի փոխվել. միայն Մեսչյանով հարց չի լուծվի: Մեսչյանը կլինի, թե ես կլինեմ, որպես բողոքարկող կողմ, չեմ կարողանա լուծել էդ հարցերը, քանի դեռ կառավարման համակարգը իր իներցիայի սովորույթները պահել է, այսինքն՝ օրենքի գերկայություն չկա»,- ընդգծեց Սաշուր Քալաշյանը:

Նա այն կարծիքին է, որ Արթուր Մեսչյանը իրեն լսող չունի. «Ինքը արդեն մամլիչի տակ է, և իր ծրագրերի վերաբերյալ անձնական և օրենսդրական կարծիք հայտնելը արդեն իմաստ չունի, որովհետև Մեսչյանը իրեն լսող չունի»,- եզրափակեց ճարտարապետ Սաշուր Քալաշյանը:

Հիշեցնենք նաև, որ Երևանի նախկին գլխավոր ճարտարապետ Արթուր Մեսչյանը, իր խոստմանը համաձայան, 2 տարի անց քաղաքապետին ներկայացրեց իր հրաժարականի դիմումը: