Մեծ Բրիտանիայի և Կանադայի արտաքին գործերի նախարարներ Դոմինիկ Ռաաբը և Ֆրանսուա-Ֆիլիպ Շամպայնը Լեռնային Ղարաբաղի հակամարտության կողմերին կոչ են արել անհապաղ դադարեցնել կրակը և կարգավորել բանակցությունները ԵԱՀԿ Մինսկի խմբի շրջանակներում: «Կանադան և Մեծ Բրիտանիան խորապես մտահոգված են Լեռնային Ղարաբաղի հակամարտության գոտում շփման գծի երկայնքով լայնամասշտաբ ռազմական գործողությունների մասին հաղորդագրություններով: Բնակավայրերը հրթիռակոծելու և քաղաքացիական անձանց զոհերի մասին լուրերը խիստ մտահոգիչ են: Մենք կոչ ենք անում անհապաղ դադարեցնել ռազմական գործողությունները և պահպանել հրադադարի ռեժիմը», - ասված է մամուլի հաղորդագրության մեջ:
Նախարարները նաև շեշտել են, որ Լեռնային Ղարաբաղի հակամարտության ցանկացած լուծում պետք է հիմնված լինի բռնության չընդունման սկզբունքի վրա և ներառի խաղաղ կարգավորում բանակցությունների միջոցով ԵԱՀԿ Մինսկի խմբի կողմից սահմանված շրջանակներում: «Մենք սատարում ենք ԵԱՀԿ Մինսկի խմբի աշխատանքին և լիովին աջակցում ենք համանախագահների երեկվա հայտարարությանը», - ասված է համատեղ հայտարարության մեջ:
