Ուկրաինայի նախագահ Վլադիմիր Զելենսկին Facebook-ի իր էջում հրապարակված տեսաուղերձում ասել է, որ Ուկրաինան առաջարկում է վերադառնալ խաղաղության ուղի։

«Ուկրաինան չի ընտրել պատերազմի ուղին, բայց Ուկրաինան առաջարկում է վերադառնալ խաղաղության ուղի»,- ասել է նա։

Ավելի վաղ Ուկրաինայի Գերագույն Ռադայի մի խումբ պատգամավորներ Զելենսկիին կոչ էին արել անհապաղ բանակցություններ սկսել իր ռուս գործընկեր Վլադիմիր Պուտինի հետ։ Բացի այդ, նրանք Ռադային առաջարկ են արել անհապաղ ձևավորել լիազորված պատգամավորական խումբ՝ Ռուսաստանի հետ ռազմավարական խորհրդակցություններ անցկացնելու համար։