Հյուսիսային Կորեան այսօր վաղ առավոտյան բալիստիկ հրթիռ է արձակել դեպի Ճապոնական ծով, հայտնում է Yonhap լրատվական գործակալությունը՝ հղում անելով հարավկորեական զինվորականներին։

Հարավային Կորեայի շտաբի պետերի միացյալ վարչությունը հայտնել է, որ վերլուծություն է անցկացնում հյուսիսկորեական հրթիռի թռիչքի հեռահարության վերաբերյալ:

Այլ մանրամասներ դեռ չեն հաղորդվում։

Իր հերթին Ճապոնիայի պաշտպանության նախարարությունը նույնպես հայտնել է, որ Փհենյանը, ենթադրաբար, բալիստիկ հրթիռ է արձակել։