Ադրբեջանի զինված ուժերն ավարտել են Ռուսաստանից Գաբալայի կայանի հանձնում-ընդունումը: Այս մասին հայտարարել է Ադրբեջանի ռազմաօդային ուժերի հրամանատար, գեներալ-մայոր Ալթայ Մեհդիեւը, գրում են ադրբաջանական լրատվամիջոցները: Գեներալը հայտնել է, որ ռուսաստանցի բոլոր զինծառայողներն ընտանիքների հետ լքել են Ադրբեջանը: «Կայանն արդեն մեր վերահսկողության տակ է»:
Հիշեցնենք, Գաբալայի կայանի շահագործման վերաբերյալ պայմանագիրը Ռուսաստանի եւ Ադրբեջանի միջեւ ստորագրվել էր 2002թ. դեկտեմբերի 10-ին: 2012թ. Ռուսաստանը դադարեցրել էր շահագործումը՝ վարձակալման սակագների թանկացման պատճառով: 1984թ. որպես խորհրդային ՀՀՊ համակարգի մաս կառուցված Գաբալայի ռադիոտեղորոշիչ կայանը թույլ էր տալիս 6 հազ. կմ շառավղով հետեւել բալիստիկական հրթիռների մեկնարկին: