Ինչպես կիրակի օրը հաղորդում է Prime Crime լրատվական գործակալությւոնը, Ուկրաինայի մայրաքաղաք Կիևում ՆԳՆ աշխատակիցների կողմից ձերբակալվել է 37-ամյա հայազգի «օրենքով գող» Գադի Կալոյանը, նույն ինքը' Գարի Կալոն, ով քրեական աշխարհում ավելի շատ հայտնի է Օնիկ մականունով: Նրա հետ մեկտեղ ձերբակալվել է բռնցքամարտի միջազգային դասի վարպետ, նրա թիկնապահ Զոհրաբ Օզմանյանը:

 

Ուկրաինայի ՆԳՆ կողմից որոշում է կայացվել դեպորտի ենթարկել օրենքով գողին'3 տարի ժամկետով արգելք դնելով Ուկրաինա նրա մուտք գործելու թույլտվության վրա:

 

Երեկոյան չվերթով Օնիկն արդեն մեկնել է Մերձբալթիկա: Ինչպես հայտնում է գործակալությունը, Հայաստանի քաղաքացի հանդիսացող, ազգությամբ եզդի Գադի Կալոյանը Մոսկվայում անցյալ տարվա հուլիսի 12-ին Դեդ Հասանի կողմից թագադրվել էր որպես «օրենքով գող»: