Հոկտեմբերի 24-ին, ժամը 19.00-ին ահազանգ է ստացվել, որ Ապարան-Քուչակ ավտոճանապարհին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «ԳԱԶ-53» մակնիշի բեռնատար 15 LS 457, «ՎԱԶ-2107» մակնիշի 34 MO 303 և «ՎԱԶ-2121» մակնիշի 370 LO 64 պետհամարանիշերով ավտոմեքենաները:
Ըստ նախնական տվյալների՝ կա 3 զոհ և 4 տուժած:
ՃՏՊ-ի հետևանքով «ՎԱԶ-2107» մակնիշի ավտոմեքենայի ուղևորներ՝ 1969 թ. ծնված Ռ. Հ.-ը և 1991 թ. ծնված Ա. Ա.-ը տեղում մահացել են, իսկ Ա. Գ.-ը մահացել է հոսպիտալացման ճանապարհին: Վարորդ 1985 թ. ծնված Ա. Գ.-ը հոսպիտալացվել է Ապարան քաղաքի բժշկական կենտրոն:
Ուղևորներ 2012 թ. ծնված Ն. Գ.-ը և 1990 թ. ծնված Ա. Ա.-ը հոսպիտալացվել են Ապարան քաղաքի բժշկական կենտրոն:
