Շվեցարական Բազել քաղաքում հայտնի դարձան «Մասթերս-500» կարգ ունեցող մրցաշարի կիսաեզրափակչի մասնակիցները:
Ռոջեր Ֆեդերերը քառորդ եզրափակչում հանդիպել էր բուլղարացի Գրեգոր Դիմիտրովի հետ և կարողացավ համառ պայքարում առավելության հասնել 6:3 7:6(2) հաշվով: Շվեցարացու հաջորդ մրցակիցը կլինի կանադացի Վաշեկ Պոսպիշիլը, ով, իր հերթին, պարտության մատնեց խորվաթ Իվան Դոդիգին' 7:6(11), 6:4:
Կիսաեզրափակչի մյուս զույգը կազմել են Խուան Մարտին դել Պոտրոն և Էդուար Ռոժե Վասելինը, ովքեր, համապատասխանաբար, հաղթել են Պոլ Անրի Մատյեին' 6:4, 6:4, և Դանիել Բրանդսին' 6:3, 4:6, 6:3:
