Ապարան-Սպիտակ ավտոճանապարհի 2-րդ կմ-ում, այսօր՝ դեկտեմբերի 13-ին, ժամը 14.38-ին ահազանգ է ստացվել, որ ձնաբքի պատճառով բեռնատար է արգելափակվել. դուրս բերելու համար անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:
Հրշեջ-փրկարարները բեռնատարը դուրս են բերել արգելափակումից:
Նույն օրը, ժամը 14.10-ին ահազանգ է ստացվել, որ Գավառ-Գեղարքունիք ավտոճանապարհին ձնաբքի պատճառով ավտոմեքենաներ են արգելափակվել. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ-փրկարարներն արգելափակումից դուրս են բերել երկու ավտոմեքենա:
