Տաշիր-Մեծավան ավտոճանապարհի 12-րդ կմ-ում, այսօր՝ հունվարի 30-ին, տեղի է ունեցել ավտովթար, կան տուժածներ. անհրաժեշտ է է փրկարարների օգնությունը:

 

Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:

 

Պարզվել է, որ Տաշիր-Մեծավան ավտոճանապարհի 7-րդ կմ-ում բախվել են «Օպել» մակնիշի 28 SS 269 եւ «ԲՄՎ» մակնիշի 31 UL 670 համարանիշների ավտոմեքենաները:

 

Մինչ հրշեջ-փրկարարների կանչի վայր հասնելը՝ «1-03» ծառայության աշխատակիցները «ԲՄՎ»-ի վարորդ Գ. Մ.-ին եւ «Օպել» մակնիշի ավտոմեքենայի վարորդ'27-ամյա Ա. Ս.-ին, ուղեւորներ' 26-ամյա Ա., 49-ամյա Ռ. Դ.-ին, 19-ամյա Վ. Ա.-ին տեղափոխել են Տաշիրի ԲԿ, որտեղ Ա. Ս. մահացել է. բժիշկները տուժածների առողջական վիճակը գնահատել են միջին ծանրության:

 

Հրշեջ-փրկարարներն իրականացրել են վառելիքաքսուքային նյութերից ավտոճանապարհի մաքրման աշխատանքներ: