Հորդանանի Թագավորության օդային ուժերը ապրիլի 16-ին ռմբակոծել են սիրիա-հորդանանյան սահմանով անցնող զրահատեխնիկայի շարասյունը: Այս մասին ապրիլի 16-ին հայտարարել է Հորդանանի հեռուստատեսությունը:
Հորդանանի օդուժը ոչնչացրել է զրահամեքենաները, որոնք փորձում էին անցնել սիրիա-հորդանանյան սահմանը: Մեկ այլ աղբյուր տեղեկացնում է, որ ոչնչացվել են զրահապատ 3 մեքենաներ:
Սիրիայի ռազմական աղբյուրները տեղեկացնում են, որ սիրիական բանակին պատկնաող որևէ զրահատեխնիկա չի անցել հորդանանյան սահմանով, և Հորդանանի օդուժի ոչնչացրած մեքենաները սիրիական բանակին չեն պատկանում: Ավելի վաղ որոշ լրատվամիջոցներ տեղեկացրել էին, որ մեքենաները պատկանում են սիրիական բանակին:
Մյուս կողմից, Սիրիայի օդային ուժերի արձակած մի քանի հրթիռներ են ընկել սիրիա-լիբանանյան սահմանի մերձակայքում գտնվող Արսալ քաղաքում: Պատճառած վնասների մասին տեղեկություններ չեն հաղորդվում:
